Фолклорна смотра на Градскиот плоштад во Куманово

Пред Центарот за култура во Куманово, во сабота во 19 часот ќе се оддржи Фолклорна смотра, на која ќе учествуваат 300 играорци од шест културно-уметнички друштва од градот.

Манифестацијата која ја организира Фондацијата за култура и спорт при Општина Куманово, со поддршка на градоначалникот и Советот, е во чест на одбележување 500 години Куманово.

На концертот ќе учествуваат културно-уметничките друштва „Панче Пешев“, „Карпош“, „Етно фолк студио“, „Бајрам Шабани“, „Рушит Шакир“, „Српски вез“ и „Срма“, со песни и ора од своите етнички заедници, каде ќе го покажат колоритот и мултикултурализмот на општина Куманово.

Пред почетокот на манифестацијата ќе се одржи дефиле низ кумановските улици.

„Сакаме оваа манифестација да стане традиционална и секоја година сите културно-уметнички друштва кои творат во нашиот град да го покажат она што го знаат и умеат, со музичката и фолклорна шароликост да се претставата пред нашите сограѓани и на сите што го сакаат фолклорот, - изјави Нино Величковски, директор Фондација за култура и спорт.

Организаторите најавија дека доколку дозволат временските услови концертот ќе се одржи на градскиот плоштад, но во случај на врнежи, ќе биде преместен во Центарот за култура.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk