Формиран Локален економско-социјален совет

 Куманово е првата општина во државата во која е формиран локален економско-социјален совет.Членовите на советот денеска одржаа средба на која присуствуваа и претставници од Меѓународната организација на трудот и од американската агенција за меѓународна помош УСАИД.

 На седницата се разговараше за проектите кои треба да се реализираат на ниво на општината, но и за формирање на локални економско-социјални совети на територијата на општините Крива Паланка,Кратово и Ранковце.

 "Советот е трипартитно тело составено од тројца преставници од синдикатот, тројца работодавачи од две јавните претпријатија и едно приватно, како и тројца претставници од локалната самоуправа. Телото има за цел да реализира проекти со кои ќе се зголеми вработеноста во општината"- вели претседавачот на советот Оливер Спасовски.

Од советот се надеваат дека ќе добијат проекти со кои ќе се вложат средства за подобрување на локалната економија.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk