Зачленете се во нашиот клуб на читатели и најновите текстови ќе ги добивате на вашата мејл адреса
Фото-кино клуб „Козјак“ оваа година слави 70 години постоење. Големиот јубилеј ќе се одбележи со неколку настани кои ќе се одржат оваа недела.
Прославата започнува вечерва во „Кашмир рокенрол бар“ каде што ќе се одржи мини изложба како и проекција на фотографии од членови на фото-кино клубот „Козјак“ заедно со фотографии од членовите на пријателските клубови од целиот Балкан. Овој настан започнува во 20 часот.
Клубот е формиран 1948 година, и оваа година славиме 70 години постоење. Вечерва започнуваме со неформалната изложба, што е прва од низата манифестации. Утре во свечената сала на Занатскиот дом ќе биде одадена почест на нашиот филмски работник Лазар Ѓорѓевиќ кој не напушти минатата година. Во состав на вечерта ќе бидат прикажани негови филмани кои ги има снимено како режисер во неговата богата кариера. Во четврток ќе се одржи нашата традиционална изложба „Мајски салон“ а прославата ќе ја завршиме со премиера на филмот „Копање“ на Ивица Димитријевиќ и Мартин Иванов - изјави Дејан Ангеловски, претседател на ФКК Козјак.
Тој ги повика сите љубители на фотографијата и филмската уметност да се приклучат во низата настани и да бидат дел од големата прослава на клубот.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk