Зачленете се во нашиот клуб на читатели и најновите текстови ќе ги добивате на вашата мејл адреса
Фризерското студио и академија „Нате“ во Куманово, од минатата година работи по програма верифицирана од Министерството за образование и наука и Центарот за образование за возрасни, за едукација на ученици и возрасни.
Тие се вклучени во програмата за дуално образование за практична настава на учениците од фризерско-козметички насоки во средните училишта, во обуки преку програмите за Агенцијата за вработување, но организираат и индивидуални курсеви за ученици кои сами ќе се пријават за изучување на фризерскиот занает.
Ова ново искуство за сопственичката Наташа Додевска и нејзиниот тим им дава едно поинакво светло и ја зацврстува позицијата на висока професионалност и квалитет во работата.
„Во нашето студио досега поминаа повеќе групи на практиканти. Тука беа и десетина ученици од средното училиште „Киро Бурназ“. Јас сум презадоволна од нивниот интерес и покажаните резултати, се надевам дека откако ќе завршат со праксата ќе продолжат да работат. Ги повикувам сите млади луѓе, па и оние повозрасни кои имаат желба и талент за оваа работа да се пријават на новите термини за практиканство и да работат на свое усовршување. Нашата работа е креативна, посетуваме саеми, семинари, едукации, натпревари и што е најважно по завршување на парктиканството има сигурна работа. Можат да работат во фризерско-козметичките салони или да отворат свој сопствен бизнис“, вели Додевска.
Таа додава дека нивната работа е креативна, но истовремено и многу одговорна, затоа што најчесто е врзана со најзначајните и најрадосните моменти во животот на секој човек, па затоа мораат да дадат се од себе нивните клиенти да бидат задоволни.
Фризерското студио „Нате“ работи повеќе од 20 години и едно од најпрепознатливите фризерски имиња во градот, бидејќи секогаш е во чекор со времето и светските модни трендови.
Тимот професионалци редовно учествува на домашни и меѓународни натпреварувања, од каде што има освоено повеќе награди и признанија.
(С.Н.)
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk