Гимназијата ќе го одбележи роденденот на Гоце Делчев

Пред бистата на Гоце Делчев во дворот на Гимназијата утре во 11 часот ќе биде положено свежо цвеќе по повод неговиот роденден.

Цвеќе ќе положат делегации од општината, политичките партии, невладините организации, јавните претпријатија, борците, писателите и други. Учениците преку биографските податоци ќе говорат за ликот и делото на Делчев.

Делчев е роден на 4 февруари 1872 година во Кукуш. Се школувал во Кукуш, каде што завршил прогимназиско образование (1879– 1887).  Во Солун, во Солунската машка гимназија „Св. Кирил и Методиј“ раководел таен ученички револуционерен кружок  и во Софија во Военото училиште (1891–1894). Се вратил во Македонија (1894) и во Штип бил учител во Ново Село.

Гоце Делчев бил идеолог, организатор и водач на македонското револуционерно националноослободително движење кон крајот на 19 и почетокот на 20 век.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk