„Гладно поле„ ќе добие водовод и канализација?

ЈП „Водовод„ годинава планира да изгради водоводна и канализациона мрежа во повеќе населби и улици во градот.

 По долги години вода ќе добијат Гладно Поле и Спомен Косттурница, како и на улиците „Стојан Сликар„, „Перо Тошев„, а на фекалната канализациона мрежа ќе се приклучат жителите на улиците: „Гладно Поле„ „Стојан Сликар„, „Перо Тошев„ и „25 Февруар„.

Според годишната програма на претпријатието за оваа намена ќе бидат потрошени околу 30 милиони денари, од вкупно 180 иљади денари што се предвидени за целокупната работа.

Реализацијата на овие проекти највеќе ќе зависи од обемот на сретствата со кои ќе располага ЈП „Водовод„, но ќе се сконцентрираме на хроничните проблеми, а тоа е дел од централното градско подрачје каде што има застарена мрежа, и воведување на мрежи во приградските населби- вели директорот Виктор Божиновски.

 Се планира и реконструкција на централниот доводен цевковод во соработка со Водостопанство „Кумановско-липковско поле„.

Еден од најголемите проблеми со кои треба да се справи претпријатието во оваа година е спречување на губитоците и кражбите на вода од граѓаните, кои сега изнесуваат 54 проценти.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk