Зачленете се во нашиот клуб на читатели и најновите текстови ќе ги добивате на вашата мејл адреса
Во недела имаме можност да донесеме историска одлука да ја запечатиме европската иднина на нашата земја. Не смееме да седиме дома, со тоа ги казнуваме сите следни генерации. Нема веќе враќање назад, да се обединиме, сложно и решително да зачекориме напред, порача Мартин Костовски, претседател на општинската организација на СДСМ Куманово.
„Мораме по 10 години да добиеме претседател кој ќе работи во интерес на државата и народот. Сигурно чекориме кон Европа, којашто во јуни ќе ги отвори фондовите за инфраструктура, образование, за здравство и за младите. Да продолжиме по тој пат, на 5 мај да го заокружиме бројот 3, да гарантираме напредок и сигурна иднина, за одиме „Заедно напред“! Граѓаните ја имаат алатката во рацете за време на изборите. Ве замолувам да ги повикате сите што останаа дома и на 5 мај да излеземе и да гласаме за Стево Пендаровски. Ајде да застанеме заедно и да испишеме нова страница за нашата татковина. На 5 мај да ги оставиме настрана поделбите и да се сплотиме заедно и да донесеме одлука за напредната опција. Гласајте по сопствена воља на 5 мај, но гласајте за иднината на земјата и вашите деца. Силата на гласот е кај сите вас, а гласот е најсилен кога е на гласачко место. Да излеземе сите и да го подржиме Стево Пендаровски на 5 мај. Човек со кој заедно ќе продолжиме напред“, - изјави Костовски.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk