Зачленете се во нашиот клуб на читатели и најновите текстови ќе ги добивате на вашата мејл адреса
Централното градско подрачје остана без вода откако утринава пукнала водоводна цевка на улицата „Народна револуција“, пред Тутунска банка.
Екипите на ЈП „Водовод“ работат на санирање на дефектот, а кога ќе се нормализира водоснабдувањето не се знае, бидејќи се работи за голем дефект.
Повторно пукна старата азбестна цевка, која е стара 30 години и дотраена. Истата цевка пукна пред еден месец на само 2 метри подолу. Под тротоарот има инфраструктура на ЕВН и Пошта, мора прво тие да дојдат да исклучат струја и телефони, па да почнеме да работиме. Во текот на денот ќе биде решено, но кога точно не се знае, - вели Горан Стојковски, директор на ЈП „Водовод“.
Без вода се потрошувачите од училиштето “Крсте Мисирков“ до кружниот тек на улицата „Ленинова“ и „Доне Божинов“.
Решение на проблемот е замена на старата цевка, но директорот вели дека имаат проект, но немаат пари за негова реализација.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk