Зачленете се во нашиот клуб на читатели и најновите текстови ќе ги добивате на вашата мејл адреса
Над илјада пензионери од Куманово се пријавиле да заминат на бањско-климатска рекреација што го организира Министерството за труд и социјална политика.
Во Фондот за пензиско и здравствено осигурување секојдневно пристигаат по педесетина апликации, па до истекот на рокот до 15 февруари, се очекува бројката да достигне над 1500.
Навистина има голем интерес на пензионерите за бањска рекреација. Оваа година интересот е поголем од минатата, кога имавме околу 1000 барања. Пензионерите од Куманово, оние кои што ќе ги исполнат условите заминуваат во Катлановска бања. Минатата година правото го искористија околу 700 пензионери - вели Мирослав Стојановски, раководител на Фондот за пензиско и здравствено осигурување.
Како што објаснува Стојановски можат да се пријавуваат само пензионери кои во предходните две години не го користеле правото за бањска рекреација. Барањата и пензискиот чек од последниот месец од минатата година се поднесуваат до Подрачната единица на Фондот на пензиското и инвалидското осигурување до 15 февруари. Предност во добивањето на бањската рекреација имаат пензионерите со пониски примања.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk