Горивата поскапуваат од ноќеска на полноќ

Eуросупер БС-98 поскапува за половина денар по литар, а цената на дизелот, Eуросупер БС-95 и на Екстра лесното масло за домаќинство се зголемува за еден денар, од ноќеска на полноќ, одлучи Регулаторната комисија за енергетика (РКЕ).

Малопродажните цени на Еуросупер БС-95, на Еуродизел (Д-Е V) и на Екстра лесното масло за домаќинство (ЕЛ-1), се зголемуваат за еден денар по литар. Новата цена на Еуросупер БС-95 изнесува 64 денари за литар, на Еуродизел (Д-Е V) 52 денари за литар, а на Екстра лесното масло за домаќинство (ЕЛ-1) 40,50 денари за литар.

Малопродажната цена на бензинот Eуросупер БС-98, се зголемува за 0,50 денари за литар и ќе изнесува 65,50 денари.

Со одлуката на РКЕ за 0,508 денари за килограм се зголемува и малопродажната цена на мазутот М-1 НС и сега ќе чини 26,795 денари.

Со одлуката се врши зголемување на рафинериските и на малопродажните цени на нафтените деривати во просек за 2,67, односно за 1,81 отсто.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk