Градинките ќе продолжат да работат и за време на најавениот штрајк

Министерството за труд и социјална политика  ја  известува јавноста и родителите дека сите предучилишни установи ќе продолжат да ја обавуваат својата дејност за згрижување и воспитание на децата и во деновите на најавениот штрајк, како и досега.

„Согласно Законот за заштита на децата, во преучилишните установи за деца дејноста  не смее да се прекинува, освен за вонредни состојби (природни непогоди, епидемии и друго),  но не и за време на штрајк“, информираат од министерството.

Оттаму истакнуваат дека по повод најавениот штрајк од страна на СОНК и во предучилишните установи, а кое право е загарантирано  на работниците согласно со Уставот, при остварувањето на правото на штрајк вработените се должни да обезбедат непречено згрижување и воспитание на децата од предучилишна возраст.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk