Граѓаните да се вклучат во чистење на снегот, апелираат од Општината

Општина Куманово ги повика граѓаните и сопствениците на деловните објекти да се вклучат во расчистување на снегот што го зафати градот.

„Апелирам до граѓаните и сите деловни субјекти и институции да се вклучат во справување со снегот. Јавните претпријатија и службите се во состојба на готовност и на терен, но сепак и граѓаните треба да помогнат и она што е нивна обврска да го исчистат снегот од тротоарите пред дуќаните и во дворните места. Ги повикувам и куќните совети да ги организираат станарите да се вклучат во расчистување на просторот околу зградите. Сите заедно да се справиме со најавените врнежи, - изјави вчера секретарот на општина Куманово Валентина Алексовска.

Според Алексовка, граѓаните ќе можат на телефонските броеви  078/365-061, 195, 112 да ги пријават проблемите што ќе ги имаат во невремето.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk