Граѓаните да се заштитат од топлотниот бран

 Матеоролозите најавуваат дека деновиве не очекуваат високи температури до 36 Целзиусови степени, поради што лекарите советуваат граѓаните соодветно да се заштитат од жештините.

 Апелираме граѓаните да не излегуваат надвор од 11 до 17 часот, посебно хронично болни и луѓето со кардиоваскуларни болести. Ако нормално се пие по 2 литра вода, тогаш во вакви услови треба да се внесуваат 4 до 5 литри вода. Да се облекуваат во посветли бои, кои не привлекуваат топлина. Мрсната храна да се избегнува, да се јаде повеќе овошје и зеленчук. Да носат очила за сонце, но не било кои туку квалитетни очила кои ги одбиваат ув сончевите зраци - изјави Горан Стефановски, општ лекар.

Тој препорачува работниците додека се на отворено да користат заштитни креми, да прават паузи и да ја разладуваат вратната регија.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk