Граѓаните се почесто се жалат кај Народниот правобранител

Полни раце работа има Канцеларијата на народниот правобранител во Куманово.

 За првите 6 месеци од годината 183 граѓани се пожалиле на работата на судовите, извршителите, јавните претпријатија и други институции во градот и државата.

Во споредба со минатата година, оваа година регистрираме зголемување на работата за 30 проценти. Најголем број од поднесените претставки, дури 38 се однесуваат на правосудството, вклучувајќи ги тука и работата на судовите и извршителите. Во првите шест месеци има преставки и во областа финансиите, царината, радиодифузна такса, социјална заштита, прекршување на потрошувачките права, права за остварување на пензиско и здравствено осигурување и од законот за работни односи,- вели Насер Весели заменик народен правобранител.

Помалку граѓани од лани се пожалиле на полицијата, во однос на нејзините овластувања.

Од вкупниот број на вкупно пристигнати преставки завршени се 133 предмети.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk