Зачленете се во нашиот клуб на читатели и најновите текстови ќе ги добивате на вашата мејл адреса
Во Куманово, утре по четврти пат ќе се одржи манифестацијата Графити фест. Овој пат уметници од земјата и странство ќе цртаат на отворено во населбата Гоце Делчев, поточно во Трговскиот центар каде што некогаш се наоѓаа просториите на Агро Куманово.
„На фестивалот ќе земат учество 12 уметници од Словенија, Турција и од нашата земја, поточно од Скопје и Куманово. Темата е слободна, секоја ќе слика по своја желба и во својот стил. Нашата идеја која што ја започнавме пред неколку години со голема љубов и посветеност ќе ја реализираме се додека Куманово не стане галерија под отворено небо“, вели уметникот Дејвид Стоилковски - Молерај.
Фестивалот го организира Форма Куманово. Нивната културна манифестација е поддржани од Министерство за култура, Центарот за култура „Трајко Прокопиев“ и фирми од Македонија, но не и од Општина Куманово. Тие конкурирале со 9 проекти на отворениот повик на Секторот за култура, но не добиле средства ниту на еден.
Овие млади уметници се препознаени во земјата и странство по нивните автентични уметнички дела и графити. Тие изработија мурал на Блаже Коневски во Скопје, а беа творци и на муралот посветен на нашиот репрезентативен голман Столе Димитриевски. Во Куманово нивните мурали красат повеќе станбени блокови, училишта и јавни објекти.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk