Граѓаните да ги ажурираат податоците за „Безбеден град“ во станиците за технички преглед или во МТВ

Граѓаните кои имаат потреба да извршат промена на податоците за потребите на проектот „Безбеден град“ тоа можат да го сторат во зградата на МВР и во станиците за технички преглед каде што го регистрирале возилото.

„Министерството за внатрешни работи ги потсетува граѓаните дека на посебниот шалтер во Одделот за граѓански работи, во зградата на МВР (приземје) во Скопје, кој работи секој работен ден од 08:00 до 17:00 часот, можат да поднесат барање за промена на контакт-податоците што ги доставиле при регистрација на возилата, доколку настанала промена или доколку добиле известување со неточни податоци. Истото може да се изврши и во станиците за технички преглед на возила низ државата, каде што е распореден деташиран референт на МВР“, соопштија од МВР.

Оттаму велат дека со отворањето на овој шалтер Министерството за внатрешни работи уште еднаш ја потврдува својата заложба за отвореност и посветеност кон безбедноста и потребите на граѓаните.

2008 - 2026 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk