Зачленете се во нашиот клуб на читатели и најновите текстови ќе ги добивате на вашата мејл адреса
Советниците од Граѓанската опција за Македонија најавуваат дека од есен ќе влезат во коалиција со некоја од поголемите партии во Советот на општина Куманово.
Засега не откриваат која политичка опција им е најблиска на локално ниво, но велат дека се расположени за собаротка со сите. Договор за коалицирање најверојатно ќе биде постигнат до 28 август за кога е закажана следната седница на совет.
- Има доволно време да се анализираат сите можни сценарија и да се разговара со сите политички субјекти кои што делуваат во Советот на општина Куманово за да од септември почнеме со нови сили и поголем елан да работиме за подобрување на условите за живеење во Куманово. Одлуката секако ќе биде донесена од страна на органите на партијата. Пред се ќе се разговара на локално ниво и сето тоа ќе биде поддржано на централно ниво, - изјави советничката Душица Сеизовска Јовановиќ.
ГРОМ во Советот на општина Куманово има два советница кои досега делуваа самостојно. Доколку се постигне коалиција со ВМРО-ДПМНЕ тогаш постојат шанси опозицијата да го преземе советот, а ако нивниот избор биде СДСМ ќе се зацврсти позицијата на сегашното мнозинство.
На централно ниво партијата донесе одлука да коалицира со ВМРО - ДПМНЕ и ДУИ за што доби еден заменик - министер и други раководни функции во институциите.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk