Гзим Кадриу нов директор на „Пазаришта“

Гзим Кадриу, кадар на Алијансата на Албанците е нов директор на ЈП „Пазариштa“ во Куманово. Кадриу денеска ја преземал функцијата во присуство на градоначалникот Максим Димитриевски.

Кадриу по професија е правник, а досега работел во Министерството за финансии.

Тој доаѓа на местото на Илир Саити од ДУИ, кој два мандати беше в.д. директор на јавното претпријатие.

 Алијанста за Албанците е коалиционен партнер на независната граѓанска иницијатива „За наше Куманово“, а договорот беше постигнат пред вториот круг на локалните избори.

Покрај смената на Саити, минатата недела беше сменета и в.д. директорката на Основното училиште „Крсте Мисирков“, Драгица Спасиќ од СДСМ, а на нејзино место е назначен Филип Колевски, професор по физичко воспитување и претседател на Сојузот на спортови во Куманово, а беше и кандидат за советник на листата на Димитриевски. 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk