Хепенинг за безбедно лето

На Градскиот плоштад, во понеделник во 11 часот, отсекот за превенција при СВР Куманово ќе организира хепенинг насловен како “ Сите заедно за безбедно лето“.

Хепенингот се прави по повод завршувањето на учебната година и целта е да се испрати порака до младите дека треба безбедно, без употреба на алкохол да го поминат летото и да се посветат на креативни активности.

  - Сите заедно полицијата, угостителите, невладините организации, родителите, наставниците ќе упатиме една порака до младите како најубаво и најбезбедно да го поминат летниот распуст. На овој хепенинг ќе има пригодна програма, а на штандови невладини организации, спортски клубови, здруженија ќе делат флаери и ќе покажат какви услуги нудат. Имаме околу 7- 8 угостителски фирми кои ќе ги послужат присутните со безалкохолни пијалоци бидејќи ќе има малолетници. Поканети се ученици од тимовите за безбедност од основни и средни училишта - вели Виолета Богдановска од отсек за превенција при СВР Куманово.

Учениците ќе ги анкетираат случајните минувачи на тема детска деликвенција, а дел од хепенингот ќе бидат “Срма“, балетско судио “Ултра“ и други.

Хепенингот е дел од проектот “Детско престапништво со елементи на насилство“ кој со реализира отсек за превенција со поддршка на ОБСЕ.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk