Зачленете се во нашиот клуб на читатели и најновите текстови ќе ги добивате на вашата мејл адреса
Хепенинг по повод Денот на Европа денеска се одржа на Градскиот плоштад во Куманово.
Општината Куманово во соработка со Европската делегација во Република Македонија, неколку младински невладини организации и учениците од основните училишта ја промовираа културата на европските земји. Граѓаните имаа можност да посетат штандови на Шпанија, Германија, Шпанија, Италија, Австрија и Кипар.
„Секоја година се практикува неколку членки на ЕУ да извршат презентација пред граѓаните на Куманово. На штандовите можат да се добијат информации и промотивни материјали кои ќе им послужат на граѓаните за запознавање на европските земји, - изјави Горан Митевски, раководител во Секторот за евроинтергации во општина Куманово.
На хепенингот присуствуваше и се обрати заменик амбасадорот на Кралство Шпанија, Фернандо Лопез де Каридо и градоначалникот на Куманово Зоран Дамјановски.
Учениците од основните училишта и танцови групи, со песна и игра го прославија роденденот на Европската унија.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk