Зачленете се во нашиот клуб на читатели и најновите текстови ќе ги добивате на вашата мејл адреса
Ракотворби и слатки изработени од членките на Женски центар и Локален совет за превенција од насилство, денеска на Градскиот плоштад се продаваа по симболични цени.
Собраните средства од продажниот хуманитарен базар ќе бидат донирани за помош на жените и децата жртви на семејно насилство.
Ќе бидат доделени на жените жртви кои се пријавиле во Женскиот центар “Жена на 21 век“ и Центарот за социјални работи. Со денешниот настан се вклучуваме во националната кампања “16 дена во борба против семејно насилство“. Цените на производите се скромни и ќе настојуваме на што повеќе жени да се помогне. - вели Виолета Петровска, член на бордот на Женски центар “Жена на 21 век“.
На штандовите се нудеа и производи кои ги донираа локалните бизнисмени. Ваков базар за првпат се оддржува во Куманово и доколку има интерес можно е тој да биде традиционален.
Од наша страна мислиме дека треба да се почне од некаде. Ако има интерес кај граѓаните и кај оние кои можат да донираат и да помогнат барем минимално, ова ќе прерасне во традиција - рече Татјана Крстевска, претседател на невладината “Сирма“.
Претходно кумановските невладини организации овие “16 дена за борба против семејно насилство“ ги одбележуваа со работилници, а оваа година се одлучија да направат нешто поразлично на локално ниво.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk