И го скршил носот затоа што не сакала да се гледаат

 Кумановска се здобила со скршеница на носот и модринки по лицето и телото, откако нејзин пријател ја истепал затоа што не сакала да се гледа со него.

Инцидентот се сличил пред три дена по  20.30 часот, кога 41-годишната жена се враќала од работа. Со возило ауди почнал да ја следи нејзин познаник кој и го пресекол патот на нејзиното возило. Немајќи друг излез таа застанала, по што тој ја натерал да влезе во неговата кола, со која се возеле по градските улици. Во еден момент физички ја нападнал удирајќи ја со тупаници во лицето, и и го скршил носот по што ја убедил да продолжат да се видуваат.  Во 23 часот, насилникот ја однел дома. При тоа и се заканил да не го пријавува случајот во полиција.

СВР Куманово го бара насилникот и работи на расчистување на случајот.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk