„И ние можеме„ во хуманитарни цели

 Парите собрани од билетите ќе бидат употребени за се подобрат условите за работа во училиштето “Партенија Зографски“, каде настава посетуваат ученици со оштетен говор и слух.

Претставата “И ние можеме“ во која играат ученици со оштетен говор и слух, вчера се одигра во Куманово. Парите собрани од билетите ќе бидат употребени за се подобрат условите за работа во училиштето “Партенија Зографски„ во Скопје.

Наша идеја е да собереме 7000 евра. Со тие пари ќе се вароса училиштето внатре и надвор, да се реновираат  и модернизираат просториите за дружба,  да се купи уште еден телевизор бидејќи училиштето го посетуваат 140 ученици - изјави Мила Карадафова од КРИК.

Во организација на настанот учествуваше волонтерскиот клуб на ЦИД кој постои една година, брои 8 члена и целта беше и тој да се промовира преку настанот.

 Најдовме локација за театарската претстава, локален бенд и ова е еден начин за промовирање на волонтерскиот клуб. Би сакале клубот да го прошириме и за сите млади кои сакаат да се вклучат.  Целта на волонтерскиот клуб е да направи нешто за локалното население, да го подобри културниот живот во Куманово и младите да направат свој надоградба - вели Катерина Ѓеоргиевска, координатор на волонтери.

Претставата по Куманово ќе се прикажува и во Кавадарци, Неготино и Скопје.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk