И стечајците ќе кампуваат пред Влада

Од утре дел од стечајните работници ќе кампуваат во шатори пред Владата, најавија од УНИТ.

Тие се приклучуваат на опозицијата и граѓанските организации кои бараат оставка од Владата, и велат дека во овие девет години власта си играла со нив.

Сите се борат за некое подобро утре. На сите им се дозволи да стават шатори, само на стечајните работници не. Ова е прилика да се приклучиме и да го кренеме нашиот глас дека не сме задоволни. Од утре натаму доброволци ќе се приклучат на кампувањето пред Влада - вели Лилјана Георгиевска, претседател на УНИТ.

Георгиевска се надева дека ќе дојде до промена на власта, а новата власт ќе ги обештети и трајно ќе се решат проблемите на стечајците.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk