Зачленете се во нашиот клуб на читатели и најновите текстови ќе ги добивате на вашата мејл адреса
Иле Митковски од Куманово е назначен за в.д. директор на Агенцијата за претприемништво на Република Македонија.
Новиот директор вчера е именуван од управниот одбор на Агенцијата.
Митковски доаѓа на местото на Боби Мојсоски, кој на последната владина седница е назначен за в.д. директор на Казнено-поправната установа Идризово.
Иле Митковски е од ЛДП и доаѓа од ЈП „Водовод“. Предходно беше секретар на општинска организација на Црвен крст Куманово.
Агенција за поддршка на претприемништвото на РМ претставува централна државна институција за поддршка на претприемништвото и развојот на малото стопанство во Република Македонија.
Надлежности на Агенцијата за подршка на претприемништвото се изградба на поволно економско опкружување и законска регулатива, создавање и развој на институционална инфраструктура за поддршка и развој на претприемништвото и конкурентноста во малото стопанство, спроведување и координација на државната и меѓународната поддршка за микро, малите и средни бизниси, промоција на претприемништвото преку нефинансиски и финансиски форми на поддршка и спроведување на Програмата за мерки и активности за поддршка на претприемништвото и создавање на конкурентност во малото стопанство на Република Македонија.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk