Зачленете се во нашиот клуб на читатели и најновите текстови ќе ги добивате на вашата мејл адреса
По кратко боледување, попладнево во 58. година од животот, почина нашиот сограѓанин Јане Мургашански, истакнат општествено-политички работник и дипломиран електроинжинер.
Мургашански е роден на 5.12.1960 година во Куманово. Основно и средно училиште завршил во Куманово, а Факултет по електротехника на Универзитетот „Кирил и Методиј“ во Скопје.
Мургашански е долгодишен член и активист на СДСМ, советник во Советот на Општина Куманово во мандатот од 2005 до 2009 година, а извршува и повеќе функции во партиските тела. Професионалната кариера ја градеше во Одделението за Пазарна инспекција во Куманово, каде неколку мандати беше раководител.
Јане Мургашански е син на првоборецот Михајло и мајка Иванка учесник во НОБ.
Зад себе ги остава сопругата Атина и синот Михаил.
Погребот на посмртните останки на Јане Мургашански ќе се изврши во понеделник, во 14 часот, на Градските гробишта во Куманово.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk