Исчезна 37-годишна жена, полицијата со дронови го пребарува теренот во Липковско

Триесет и седумгодишна жена од липковско село е пријавена за исчезната, поради што во потрага за нејзино пронаоѓање се вклучила и МВР.

Според Центарот за управување со кризи (ЦУК), пријавата за исчезнување пристигнала од полициски службеник на единствениот повикувачки број за итни повици 112. 

„Од полицијата беше побарано ангажирање на дронови во потрагата. Од страна на ЦУК, веднаш беше информирано Министерството за внатрешни работи со цел да се вклучат дронови во акцијата за пребарување. Последната добиена информација е дека потрагата по жената сè уште трае“, соопшти ЦУК.

 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk