Зачленете се во нашиот клуб на читатели и најновите текстови ќе ги добивате на вашата мејл адреса
Од независната граѓанска опција „Кога, ако не сега„ денеска ги обвинија политичките опоненти дека го уништуваат нивниот пропаганден матерјал залепен на јавните места.
Тие апелираат до сите учесници на локалните избори да престанат со таквото нецивилизирано однесување и да водат фер кампања.
Во изминативе денови сите наши постери кои беа залепени се уништени, искинати и ишчкртани со црн спреј. Ние како независна граѓанска политичка опција не сме виновни што двата политички блока се премногу зафатени со меѓусебни препукувања, со креирање на советничка листа во последен момент, па целиот свој бес го искалуваат на нашиот скромен пропаганден материјал. За нивните дејанија веќе се известени претставниците на ОБСЕ,а секако дека ќе бидат известени ДИК и МОСТ- изјави Александра Георгиевска.
Таа ги повика сите учесници во локалните избори да се угледаат на нив и да покажат политичка култура, а не да употребуваат клевети и навреди во јавни настапи, промоции и средби со граѓаните.
Нашата кампања до сега беше крајно позитивна и коректна. Ве повикуваме да се однесувате во ист манир. За нас најважни се граѓаните и тој пропаганден материјал е за нив и нивно информирање, а не за вашата уништувачка енергија. Ние продолжуваме со позитивна кампања. Отворени сме за соработка, меѓусебно почитување и негување на фер плеј изборна атмосфера со сите учесници на Локалните Избори 2013.-нагласи Георгиевска.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk