Зачленете се во нашиот клуб на читатели и најновите текстови ќе ги добивате на вашата мејл адреса
Непознати сторители синоќа пресекле оптички кабел на интернет провајдерот К-нет во населбата Карпош.
Инцидентот се случил околу 22.30. Кабелот е поставен на висина од 8 метри и некој се поткачил за да го дофати. За ваков чин, некој треба да има соодветна опрема. Сечењето на каблите се случува неколку дена од како провајдерот своите услуги почнува да ги нуди и за жителите во населбата Карпош. На кабелот се гледа дека е пресечен, а не уништен од нешто друго, - изјавија од К-нет.
Случајот е пријавен во СВР Куманово и извршен е увид на лице место. Материјалната штета е околу 1500 евра. Ова не е прв случај да се сече кабелот на К-нет. Пред речиси две години имаше сличен инцидент, тогаш беше уништен кабел на релација Скопје-Куманово во близина на рафинеријата.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk