Зачленете се во нашиот клуб на читатели и најновите текстови ќе ги добивате на вашата мејл адреса
Екипи на ЈП „Чистота и зеленило“ утринава монтираа нова ограда меѓу улиците „Тоде Думба“ и „Драган Стопаревиќ“ во Куманово. Иако беше најавувано дека ќе се намести бетонски ѕид или некоја појака заштитна банкина, сепак изработена е потполно иста ограда како поранешната.
Оградата стоеше скршена речиси две години, тендерот за нејзина санација беше распишан пред 2 месеци, а дури сега работата е завршена.
Населението од улицата „Драган Стопаревиќ“ повеќепати реагира до локалните власти да се најде потрајно и побезбедно решение, бидејќи свиокот кај потпорниот ѕид се смета за „црна точка’ на кумановските сообраќајници, каде се регистрирани бројни незгоди и несреќи со смртни последици за учесниците во сообраќајот.
„Ваква ограда и самиот ќе наместев. Ќе се залета некој, ќе ја скрши за 3 месеци“ револтиран е еден од сопствениците на куќа на ул. „Драган Стопаревиќ“.
Во септември годинава, Општина Куманово распиша тендер за поправка и вети дека се ќе се заврши до крајот на месецот. Беше предвидено да се реконструира постоечката и да се постави нова еластична ограда со должина од 125 метри.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk