Искусни медицински сестри од Здравствен дом избркани од работа, на нивно место вработени кадри на ДУИ, тврди пратеникот Петрушевски

Четири искусни медицински сестри од кумановскиот Здравствен дом биле избркани од работа само затоа што се Македонки,  а на нивно место биле вработени партиски кадри на ДУИ, тврди пратеникот на ВМРО-ДПМНЕ Бране Петрушевски.

 Тој ги повика надлежните институции да го испитаат овој случај, да се поништи огласот и да се вработат стручни, квалитетни и искусни медицински сестри во Здравствениот дом Куманово.

„Во Здравствениот дом во Куманово се распишал оглас за вработување на 10 медицински сестри на неопределено време. Локалните СДС и ДУИ се договориле 6 вработувања да бидат нови од ДУИ, а 4 од СДС, кои веќе 4 години работеле таму по договор.

Директорот, поставен од ДУИ си ги  вработува сите 10 од ДУИ, според мои извори, со поделени 10 веќе решени тестови на тестирање, затоа што сметал дека сите 10 вработени треба да се Албанки.

По овој настан, претседателот на ОО на СДС Тушевски доблесно си дал оставка, а пратеникот Костовски се крие и никаде го нема.

Сега нови и неискусни медицински сестри ќе ги вакцинираат децата и ќе вршат домашна посета, додека искусните ќе седат дома без работа, само затоа што не се од ДУИ“, објави Петрушевски.

 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk