Истражување на ДРОМ за вклученоста на учениците Роми во образовниот процес

Центарот за ромска заедница „Дром“ започнува со имплементација на проектот „Инклузивност на деца Роми во образовниот процес“, кој има за цел да го зголеми бројот на ученици Роми  во основно и средно образование во период 2018-2020 година во Oпштина Куманово.

 „Во рамки на проектот ќе се изврши теренско истражување во ромските населби Средорек, Бараки, Стари Лозја и Бавчи како и во централното градско подрачје каде што живее ромско население за да утврди бројот на деца Роми на возраст од 6-16 години кои не се вклучени во образовниот процес. Цел на ова истражување ќе биде да се утврдат причините за исклученост од образованиетo како и да се поттикнат и мотивираат за вклучување во образовниот процес. Истовремено ќе се изготви документ кој ќе даде комплетна слика за состојбата и ќе се дадат насоки за подобрување на истата, - соопштуваат од ДРОМ.

Добиените резултати ќе презентираат во надлежните локални институции, заради решавање на проблемлемот. На крајот на проектот ќе се изврши медиумска презентација, пред засегнати страни со цел изнаоѓање на решенија за горенаведениот проблем.

Проектот  ќе се реализира во период од девет месеци и е поддржан од RRC и KMOP.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk