Зачленете се во нашиот клуб на читатели и најновите текстови ќе ги добивате на вашата мејл адреса
Општинската организација на Либерално демократската партија, синоќа отвори штаб во населбата Перо Чичо. Пред присутните членови и симпатизери говореше Филип Јаневиќ, портпарол на ЛДП и кандидат за советник.
На 24 март имаме неповторлива шанса да испратиме силна и јасна порака дека си ја сакаме државата назад, на нас граѓаните. Доста беше од погубните политики на ДПМНЕ. Намерно не го спомнувам името ВМРО затоа што не ни заслужуваат да ги носат тие свети букви. ВМРО е секој Македонец, но не секој е ДПМНЕ. Има една убава симболика во бројот 42 под кој настапува Сојузот за инднината, бројките се поставени во обратен редослед од 24 кога е денот на гласањето и токму тоа ни е потребно, да заокружиме 42 за да направиме пресврт во Македонија и да им покажеме дека немаме намера лесно да им ја дадеме државава затоа што оваа држава не е ни лесно добиена. Овие избори се многу повеќе од тротоари, сокаци и сл. Овие избори се референдум во кој ние граѓаните треба да одлучиме во кој правец ќе ни се движи државата, и дали ќе ставиме крај на осиромашување на овој народ како материјално така и духовно- рече Јаневиќ.
Тој нагласи дека граѓаните на Перо Чичо секогаш ја препознавале вистинската страна, и на 24 март сите заедно на Градскиот плоштад ќе слават голема победа.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk