Излетал од патот и удрил во бетонска ограда, пожарникарите го ваделе од превртениот автомобил

Четириесет и деветгодишен жител на кумановското село Лопате се здобил со сериозни повреди, откако со неговиот автомобил излетал од патот, се превртел и удрил во бетонска ограда.

 Несреќата се случила синоќа на ул.„1“ во с. Долно Којнаре.

„Во 21.10 часот патничко возило „хјундаи“ со кумановски регистарски ознаки, управувано од И.М.(49) од с.Лопате, кумановско, излетало надвор од коловозот и удрило во бетонска ограда и паркирано патничко возило „шкода“ со кумановски регистарски ознаки. Во несреќата со тешки телесни повреди се здобил возачот, констатирани во Општата болница Куманово. Извршен бил увид од увидна екипа од СВР Куманово“, соопшти МВР.  

Од Регионалниот центар за управување со кризи (РЦУК), соопштуваат дека Противпожарната едници во Куманово синоќа имала една техничка интервенција во с. Долно Којнаре, при вадење лице од патнички автомобил во сообраќајна незгода.

„До несреќата дошло откако возачот изгубил контролата на возилото излетал од патот и се превртел. Интервенирано е во временскиот период од 21,25 до 21,50 часот со 1 ПП возило и 4 пожарникари. По укажаната лекарска помош лицето со екипата на Брза помош е префрлено на Ургентен центар Куманово“, вели РЦУК.

(фото: архива кумановоњуз)

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk