Зачленете се во нашиот клуб на читатели и најновите текстови ќе ги добивате на вашата мејл адреса
Во Изложбениот салон на Центарот за култура “Трајко Прокопиев“ - Куманово утревечер во 20 часот ќе биде отворена 23. Интернационална кичевска ликовна колонија.
Во прекрасниот амбиент во Куќата на уметноста, далеку од вревата и тешките македонски горештини, во креативна творечка и релаксирана атмосфера од 2 до 16 Јули 2016 година се одржа 23 Интернационална Кичевска ликовна колонија.
Имавме можност да видиме различни светови и индивидуални пристапи при утврдување на своите ликовни образци. Секој од овие творци, преку изборот на својот личен ликовен говор се обидуваа да воспостават една нова врска меѓу духот и сопственото време, да ни ја откријат вистината и од онаа страна што ни е помалку позната. Тоа беше комуникација или нова визуелна размена на мислења.
На 23 Интернационална Кичевска ликовна колонија учествуваа 23 учесници од 13 држави: Македонија, Израел, С.Кипар, Индија, Ирак, Албанија, Бугарија, Србија, Германија, Казахстан, Хрватска, Косово, и Турција. Се изработија 65 нови дела во различна техники, акрил на платно, масло на платно, комбинирана техника како и 4 склуптури од метал и 1 скулптура од дрво.
Изложбата во Куманово ќе биде поставена до 06.07.2017 год.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk