Изложба на фотографии и документарен филм за Вања Лазарова

Во фоаето на  „Трајко Прокопиев" во Куманово, денеска во 13 часот,  ќе се одржи изложба на фотографии и документарен филм за Вања Лазарова.

На изложбата ќе се обрати нејзиниот долгогодишен пријател и менаџер Иво Јанковски.

Со маки сум се родила“, „Параходот замина“, „Легнала Ѓурѓа на рамно гумно“, се само дел од многуте македонски изворни народни песни што ги има испеано Лазараова.

Родена е на 27 април, 1930 во кратовско Страцин, има работено во Операта во МНТ, a исто така била и член на Државниот ансамбл на народни игри и песни "Танец“.

Вања Лазарова пеела во "Ројал Алберт хол“ во Лондон пред британската кралица Елизабета Втора и премиерот Винстон Черчил. Таа е прва македонска пејачка која има снимено плочи за издавачките куќи "Полиграм“ и "Филипс“.

Исто така, свој придонес има дадено и во музиката за филмот "Пред дождот", кој освои "Златен лав" во Венеција, а режисерот Милчо Манчевски ќе изјави дека дека филмската музика во "Пред дождот“ претставува еден од исконските, архетипски моменти на неговиот филм.

Овој проект се реализира со поддршка на Министерството за култура на Македонија.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk