Изложба на слики од Меѓународната лесновска колонија во Куманово

Во Изложбениот салон на Центарот за култура “Трајко Прокопиев “ – Куманово утре во 12.30 часот ќе биде отворена 32-та Меѓународна лесновска ликовна колонија .

Изложбата содржи триесеттина дела работени во повеќе ликовни техники.

На колонијата учествуваа 17 уметници, најмногу од нашата држава, но и уметници од Бугарија и Канада, кои насликаа 34 уметнички дела. Колонијата се одржа од 25 до 30. јуни минатата година. Учествуваа уметниците: Бисер Лапев, Васил Гаврилов, Бојан Тосевски , Христина Стојчевска , Јулија Манојловска, Десислава Лапева , Зоран Нанев , Ива Станковска , Иштар Бисерова Лапева , Мајк Клоус , Ѓоко Антониев , Маринела Миланова, Мики Иванов , Пирин Македонски , Трајан Трајковски и Филип Добривоевски .

Меѓународната лесновска ликовна колонија започнува да се организира во 1992 година. Организатор на колонијата е Дом на
култура “Злетовски рудар” – Пробиштип ,со финансиска подршка од Општина Пробиштип, a оваа година е избрана на Годишниот конкурс за финансирање проекти од национален интерес во културата 2024 год. 

Изложбата ќе биде поставена до 05. март 2025 г.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk