Зачленете се во нашиот клуб на читатели и најновите текстови ќе ги добивате на вашата мејл адреса
Во Уметничката галерија во Куманово вечерва во 19 часот ќе биде отворена самостојната изложба на ликовната уметница Петра Јовановска со наслов „Зад границите на кругот“.
Изложбата ќе ја отвори амбасадорот на Чешка, Мирослав Томан.
На изложбата ќе бидат презентирани новосоздадени ликовни дела, изработени на платно, картон и хартија.
Преку изложбата, уметничката ги преминува границите на кругот се навраќа на него или патува низ него. Кругот во нејзините дела е претставен како круг на љубовта, како круг на бесконечноста, на целината, на патувањето, на соочувањето и огледувањето со и во себе или пак како симбол на внатрешната слобода. Круг како почеток и крај на се`.
Петра Јовановска има дипломирано на ФЛУ во Скопје, а во текот на својот живот има реализирано 43 самостојни изложби, а исто така била организатор и учествувала на многу меѓународни ликовни колонии, симпозиуми, семинари.
Проектот е финансиран од Министерството за култура на Македонија.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk