Зачленете се во нашиот клуб на читатели и најновите текстови ќе ги добивате на вашата мејл адреса
Во Изложбениот салон на Уметничката галерија при НУ – Куманово, вечерва со почеток во 19.30 часот, ќе биде отворена самостојна изложба, под наслов „Женски приказни“ нa ликовниот уметник Андријана Мациев.
Ќе бидат изложени 30 дела од нејзиниот најнов ликовен циклус – слики работени во периодот на 2018 година, во техника акрил на платно.
Изложбата е дел од програмските активности на НУ Музеј-Куманово, од областа на галериската дејност, поддржана од Министерството за култура на Р. Македонија.
Андријана Мациев, родена 16.09.1980 во Скопје. Средно образование завршува во Училиштето за применета уметност „Лазар Личеноски“ во Скопје, а дипломира на Факултетот за ликовни уметности во одделот графика во класата на проф. Димитар Малиданов.
Член е на друштвото на ликовни уметници на Македонија.
Изложува самостојно и учествува на повеќе групни изложби, манифестации,хепенинзии ликовни колонии во Македонија и надвор од државата.
Добитник е на повеќе награди и признанија. Изложбата ќе биде поставена до 20 декември годинава.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk