Зачленете се во нашиот клуб на читатели и најновите текстови ќе ги добивате на вашата мејл адреса
Во Изложбениот салон на Центарот за култура „Трајко Прокопиев“ утре во 19 часот ќе се одржи изложба на фотографии „Велес низ стари фотографии“.
Пред кумановската публика ќе бидат изложени стотина фотографии на кои е прикажан развојот на градот низ призмата на историјата, етнологијата, архитектурата и други аспекти.
Најстарата фотографија датира од 1869 година, а поновите се од шеесетите години на 20 век.
На педесетина километри јужно од Скопје, во долината на реката Вардар од неговата лева и десна страна лежи градот Велес. Со анфитеатрален облик и високо издигнати куќи, збиени меѓу големите ридови, градот ја чува својата вековна историја, за што сведочат бројните археолошки ископини и пишани извори.
Како спомен на минатото останал дел од староградската архитектура, фотографиите и разгледниците од познати велешки фотографи и странски патеписци.
Изложбата ја организира Националната установа „Трајко Прокопиев“ и Народен музеј-Ликовен салон Велес.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk