Зачленете се во нашиот клуб на читатели и најновите текстови ќе ги добивате на вашата мејл адреса
Во Центарот за култура „Трајко Прокопиев“ синоќа беше отворена изложбата на слики создадени на Меѓународна ликовна колонија „Карпино“.
Посетителите имаа можност да видат 40-тина дела изработени во масло на платно, акрил, комбинирана техника, инсталација и акрил на панел.
Се надевам дека публиката ќе ужива во делата на уметниците - изјави Мирослав Величковски, уметнички директор на колонијата.
На годинешнава колонија која се одржа во септември годинава учествуваа десетина уметници од Романија, Бугарија, Србија и Македонија.
- Делата од оваа ликовна колонија ќе бидат презентирани и пред пошироката јавност во градовите во Македонија- најави Зоран Павловски, претседател на Мултимедијалното здружение „Карпино“ - организатор на колонијата.
Градоначалникот на општина Куманово Зоран Дамјановски на отварањето рече дека општината ќе продолжи со поддршката на оваа ликовна колонија и на сите останати, бидејќи тие се бренд на градот.
Изложбата „Карпино“ се одржува во рамки на програмата за одбележување на Денот на ослободување на Куманово, со поддршка на градоначалникот и советот на општината.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk