Како да се заштитиме од студот?

За наредните денови се најавуваат екстремно ниски температури, па лекарите советуваат граѓаните да се заштитат од студот со топла облека и обувки.

Се препорачува граѓаните да пијат топли напитоци и да не прескокнуваат оброци бидејќи храната ја одржува температурата на телото.

“Во случај на екстремно ниски температури треба да се избегнува физичка активност на отворено. Користете топла повеќеслојна облека и обувки соодветни за на снег и мраз. Постарите лица и бебињата треба да седат на топло, а хронично болните да ја земаат редовната терапија препишана од матичен лекар“ - советуваат лекарите.

Внатрешната минимална температура на вакво студено време треба да биде 20 Целзиусови степени.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk