Зачленете се во нашиот клуб на читатели и најновите текстови ќе ги добивате на вашата мејл адреса
Седмооделенката Камелија Алексовска од основното училиште “Јоаким Крчоски“ од Крива Паланка, беше најдобра на регионалниот натпревар по спелување на француски јазик, кој денеска се одржа во основното училиште “Браќа Миладиновци“ во Куманово.
Победничката заедно со уште петмина основци од различни училишта на 13 декември ќе учествува на државен натпревар во Скопје.
“Го сакам францускиот јазик, го учам на училиште. Ми се допаѓа, многу интерес јазик е францускиот. Заедно со професорката се подготвував пет часа за натпреварот“ - вели Алексовска.
На натпреварот учествуваа 24 основци од пет основни училишта од Куманово, Липково и Крива Паланка.
“Сите шестмина ученици ќе одат на државен натпревар. Тоа се ученици од “Јоаким Крчоски“, “Христијан Карпош“, и “Крсте Мисирков“. Ќе се натпреваруваат поединечно како најдобри ученици од регионален натпревар“ - рече Кети Димковска, советник по француски јазик во Биро за развој на образование Куманово.
Покрај основците, се натпреваруваа и средношколците, и најдобрите од нив исто ќе учествуваат на државен натпревар.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk