Камион со 25 мигранти излетал од патот

На регионалниот пат Свети Николе - Куманово, утринава во 6.45 часот,  во близина на с.Градиште, товарно возило „фолксваген“  со бугарски национални ознаки, излетало од коловозот, по што возачот го напуштил местото.

Во возилото биле пронајдени 25 лица - мигранти, од кои 15 државјани на Авганистан, девет на Пакистан и еден од Ирак, од кои седум биле малолетни лица, кои се здобиле со повреди, - соопштува СВР Куманово.  

Повредените се пренесени во болница во Куманово за укажување на лекарска помош.

„26 пациенти се примени на нашето одделение, сите пациенти се прегледани, направен е рендген и се што е потребно, констатирани се телесни повреди на 25 пацинети, кои се опсервирани, дадена е аналгетска терапија, а еден пацинет е испратен на Клиника за трауматологија. Малолетните лица се во добра општа состојба и ќе бидат пуштени на домашно лекување“ - посочи Љубинка Дамјановска Крстиќ, хирург Општа болница Куманово.

За настанот бил известен Јавен Обвинител, а увид на местото извршила екипа од СВР Куманово.  

Се преземаат мерки за расчистување на случајот.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk