Зачленете се во нашиот клуб на читатели и најновите текстови ќе ги добивате на вашата мејл адреса
Караванот на издавачката куќа “Три“ од Скопје, до сабота ќе биде пред Центарот за култура “Трајко Прокопиев“ во Куманово.
Се нудат книги од домашни и странски автори со попусти и до 70 отсто. Од “Три“ велат дека се задоволни од интересот и дека кумановци сакаат да купуваат книги.
“Секој што е заинтересиран од 9 до 20 часот може да не најде тука. Има романи, има мотивациони книги, духовни книги за духовно будење од домашни и странски автори. Јас лично сум изненадена од интересот што го покажаа граѓаните на Куманово“- вели Дајана Стојадиновска, од “Три“.
На штандот имаше книги за сечиј вкус. Купувачите беа заинтересирани за поновите изданија.
“Земам се што е најново. Коелјо, Џозеф Марфи, тие се уште пред 15-20 години прочитани, а сега има и нови писатели македонски. Повеќе сум за книги за самопомош, психологија. Не знам колку пати сум купила книги и ги подарувам на луѓето“ - рече Розита Трендафиловска, читател.
Караванот на “Три“ ќе посети неколку градови во Македонија, каде на читателите ќе им понуди голем избор на квалитетна литература.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk