“Карпошова вечер“ по повод загинувањето на херојот

Во клубот “Христијан Т.Карпош“ утревечер во 18 часот, ќе се одржи “Карпошова вечер“, по повод 71 година од загинувањето на народниот херој.

„Карпошова вечер“ ја организира Здружението на армиски и полициски ветерани со поддршка на општина Куманово.

“Ќе биде прикажан документарен филм за Христијан Т.Карпош. Поканети се борците, градоначалниците од општините Куманово и Старо Нагоричане, советници, пратениците од Куманово, претставници од АРМ и СВР Куманово, како и училишта кои го носат името на херојот“ - изјави Киро Соларски, организационен секретар во Здружение на армиски и полициски ветерани.

Христијан Тодоровски Карпош е роден на 3 септември 1921 во Куманово, а загинал на 7 февруари 1944 година во Билјача, близу Прешево во соседна Србија.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk