Зачленете се во нашиот клуб на читатели и најновите текстови ќе ги добивате на вашата мејл адреса
Останаа уште неколку дена до официјалното објавување на кандидатските листи за пратеници. Како се приближуваат парламентарните избори, така во кумановската чаршија и партиските ограноци се погласни се шпекулациите кои ќе бидат имињата и позициите во Втората изборна единица.
По обичај, за пратеничката фотеља има многу кандидати и амбиции, а малку добитни позиции, поради што неизвесноста е поголема. Кумановци како и многупати досега, се плашат дека повисоките места повторно ќе ги пополнат коалциони партнери, непартиски личности и „експерти“, а за нив ќе останат неатрактивните места.
Кумановските социјалдемократи до централата во Скопје доставиле листа од над 100 предлози од месните организации, а во најтесен круг влегле девет кандидати, кои се ставени на анкета за да им се провери рејтингот кај граѓаните.
Се работи за луѓе кои имаат високи партиски функции во општинската организација и централните тела: Мартин Костовски, Атина Мургашанска, Оливер Илиевски, Даниел Стојчевски, Соња Тодоровска, Марина Алексовска, Лидија Тасевска и Александар Арсиќ.
Носител на листата во двојка, најверојатно ќе биде премиерот Оливер Спасовски, а од коалиционите партнери на добитна позиција се очекува да бида претставникот од српската заедница Мирослав Јовановиќ.
На листата на ВМРО-ДПМНЕ за фаворити се сметаат: Бране Петрушевски, Игор Божиновски, Емилија Трајковска и Невена Величковска. За носител на листата се врти името на Владо Мисајловски, а високо позициониран најверојатно ќе биде и нивниот коалициониот партнер Иван Стоилковиќ.
Од албанскиот политички блок фаворити на ДУИ се Арбер Адеми и Илир Асани, за кој се зборува дека ќе е носител на листата во двојка.
Од Алијансата на Албанците од Куманово потенцијален кандидат е Илми Азири.
СДСМ пратеничките листи ќе ги објави на партиски конгрес во понеделник попладне, а ВМРО-ДПМНЕ во вторник по седница на Централниот комитет на партијата.
Партиите до четврток (12 март) на полноќ треба листите да ги достават до ДИК.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk