Зачленете се во нашиот клуб на читатели и најновите текстови ќе ги добивате на вашата мејл адреса
На денешната седница на Советот на Општина Куманово наменета за советнички прашања, советникот од ВМРО - ДПМНЕ Мирослав Стојановски го праша градоначалникот кој стопанисува со деловните објекти кои се во сопственост на Општина Куманово.
Со колку деловни објекти располага општината, кој стопанисува со нив, по кои критериуми и која е киријата за нив? Имаме сознанија дека луѓе блиски до раководството на СДСМ ги имаат добиено овие објекти - рече Стојановски.
Градоначалникот Зоран Дамјановски одговори дека деловните објекти се во поранешниот Занаетчиски дом во центарот на градот, а со нив стопанисува ЈП“Куманово паркинг“ .
Киријата ја прима ова јавно претпријатие. Цената е врз основа на договори за закуп од пред 8 или 10 години и се движи помеѓу 8 и 10 евра по метар квадратен. Одговорно тврдам дека ниту еден од СДСМ нема закупено простор таму. Не знам на кого алудирате. Тоа се стари, затечени договори - изјави Дамјановски.
Тој појасни дека најтазе договор за закуп е склучен во 2004 година со бутик сместен во овој комплекс.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk