Зачленете се во нашиот клуб на читатели и најновите текстови ќе ги добивате на вашата мејл адреса
Коњот Пикасо и магаренцето Марга се главна атракција на новогодишниот базар на Градскиот плоштад во Крива Паланка.
Најсреќни се најмалите што можат да ги јаваат омилените животни од ранчот Кантрисајд од Ранковце на познатата хуманистка и претприемачка Мариа Дибиаџио.
Со јавањето на Пикасо и Марга дечињата добиваат и новогодишна честитка, а по желба и фотографија за спомен на прекрасните предновогодишни моменти.
Како се приближуваат новогодишните празници, се побројни се и најмалите кои уживаат во празничната атмосфера, а исто така и предновогодишната понуда и забава.
Така, годинава главен хит е напитокот „бабл ти“ или бабл чај кој всушност е чај или овошен сок со топчиња од желе исполнети со сок. Оригиналниот пијалок на база на чај со слатки топчиња од желе од тапиока бил измислен во Тајван во 1980-тите. Поради својот необичен изглед и текстура, станал толку популарен што низ целиот свет што почнале да се отвораат специјални кафулиња, каде што се служи само ова задоволство.
Предноводогишната програма нуди бројни настапи на македонски, изведувачи и бендови меѓу кои Дејвид Зекиров, Мартија Станојковиќ, Слаткар, Антонија Гиговска, НК, Два Бона, Либеро бенд и Барбара Ракичевиќ, Дац и Александар, Некс тајм.
Најмладите и тинејџерите, пак, ќе уживаат во детски претстави, концерти, жонглери, комични настапи, огнено шоу и спектакуларното пристигнување на Дедо Мраз на 30.12.2023 година на Градскиот плоштад во 13,30 часот.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk