Конкурс за фотографија „ Мое Куманово“

Општина Куманово распишува конкурс за избор на најдобра фотографија со мотиви од општината.

Најдобрите фотографии ќе бидат искористени за промоција на Oпштина Куманово.  

„Општина Куманово ги повикува сите заинтересирани професионалци и аматери да се пријават со свои авторски фотографии. Мотивите на фотографиите да бидат од Општина Куманово, панорамски фотографии, ноќна фотографија од Куманово, знаменитости, занаетчиство, инфраструктура, јавни објекти, манифестации, спортски и културни настани итн. Ќе се оценуваат фотографии снимени само на територија на Општина Куманово,- стои во соопштението од општината.

  Конкурсот ќе трае да 21.11.2016 година. По завршувањето на рокот за пријавување, стручна комисија ќе ги разгледа сите пристигнати фотографии и ќе одбере 30 најдобри кои ќе бидат изложени.За најдобрите ќе следат награди од 20.000 денари, 15.000 денари и 10.000 денари.

Пријавата за учество на конкурсот може да се симне од веб страната на Општина Куманово www.kumanovo.gov.mk.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk